Aqtaý-Jańaózen jolyndaǵy apat: Júrgizýshi qaza taýyp, eki adam zardap shekti

AQTAÝ. QazAqparat –Aqtaý-Jańaózen tasjolyndaǵy jol apaty saldarynan júrgizýshi qaza bolyp, júkti áıel zardap shekti, dep habarlaıdy QazAqparat tilshisi.

Jol apaty 19 jeltoqsan kúni Aqtaý-Jańaózen tasjolynyń 24-shi shaqyrymda boldy. Jedel-járdem kóligi jetkenshe, júrgizýshi kóz jumǵan. Kólikte bolǵan 1987 jylǵy júkti áıel men 3 jasar qyz zardap shekti. Olar Jańaózen qalalyq kópbeıindi aýrýhanasyna jetkizildi.

Zardap shekken qyz júktiliktiń 6-7 aptasynda bolǵan, oǵan dárigerler jabyq súıek-mı jaraqaty, qabyrǵanyń synýy, jambas pen ıyqtyń jaraqaty dıagnozyn qoıdy.

Keýde qýysy, ókpeniń oń jaq tusynan jaraqattanǵan 3 jasar qyz qazir jansaqtaý bóliminde jatyr.