Aqtaý — túrki áleminiń mádenı astanasy mártebesine ıe boldy
AQTAÝ. KAZINFORM — Aqtaý Túrikmenstannyń Anaý qalasynan estafeta qabyldady. Bul týraly Ashhabadta ótken TÚRKSOI Túrki mádenıeti men ónerin damytý jónindegi halyqaralyq uıymǵa múshe memleketterdiń 41-shi otyrysynda málim boldy. Sharada mańǵystaýlyq delegatsııa Anaý qalasynan «Túrki áleminiń mádenı astanasy» mártebesin qabyldap aldy.
Bıyl Túrikmenstannyń Anaý qalasy jyl boıy túrkitildes aǵaıyndylardy qabyldap, kınofestıvaldar, kórmeler, ǵylymı konferentsııalar, jastar forýmdaryn qosa alǵanda, túrli halyqaralyq is-sharalar ótkizgen.
Endi bul mıssııa Aqtaý qalasyna júkteldi. Mańǵystaýdyń ortalyǵy Aqtaýda da sondaı is-sharalar josparlanǵan. Oǵan qosa, aqyndar aıtysy, sýretshiler men músinshiler sımpozıýmy, qolónershiler festıvali, tarıhı-ǵylymı konferentsııalar ótkiziledi. Sondaı-aq, Aqtaýda túrki áleminiń uly ǵalymdarynyń ómiri men eńbekterine arnalǵan kezdesýler jáne basqa da mańyzdy tanymdyq is-sharalar ótkizý kózdelgen.
«Aqtaý — Túrki áleminiń mádenı astanasy» mereıli jyly aıasyndaǵy sharalar 2025 jyldyń naýryz aıynda bastalady.
Eske sala keteıik, buǵan deıin bala týý kórsetkishi boıynsha Túrkistan men Mańǵystaý oblysy, Shymkent qalasy kósh bastaǵanyn jazǵan bolatynbyz.
