Aqtaý - Túrki áleminiń mádenı astanasy: Arǵyqazaq mıfologııasyna qurylǵan «Sýyn aıǵyr» aýyly ashyldy
AQTAÝ. KAZINFORM – «Sýyn aıǵyr» aýyly Mańǵystaý aýdanynyń atynan quryldy. Kórmege mıfolog ǵalym Serikbol Qondybaıdyń memorıaldyq mýzeıiniń negizgi jádigerleri qoıylǵan.

Uıymdastyrýshylar qazaq mıfologııasy arqyly halqymyzdyń san ǵasyrlyq turmys-tirshiligin kórsetýdi kózdeıdi.

Serikbol Qondybaı atyndaǵy memorıaldyq mýzeıdiń dırektory Rımma Berdıevanyń aıtýynsha, kórme «Arǵyqazaq mıfologııasy» kitaby jelisinde jasaqtalǵan. Mıf – oıdan shyǵarylǵan dúnıe emes, belgili bir ýaqytta, tarıhta, mádenıette, qoǵamda bolǵan oqıǵalar jelisi.

- Mańǵystaýdyń ańyzdary men mıfterin ǵylymı negizde zerttegen, qazaq mıfologııasynyń jańa qyrlaryn ashyp, bul óńirdiń qupııa syrlaryn álemge tanytqan ǵalym - Serikbol Qondybaıdyń zertteýlerinen tarıhı-ǵylymı derekterdi alyp keldik. Kıiz úıde zertteý kitaptary men keıipkerlerin tanystyramyz, - deıdi mýzeı dırektory Rımma Berdıeva.

Kórmede qonaqtar «Er Tóstik» ertegisindegi Jylan Bapyhan, ıaǵnı jylandardyń patshalyǵymen tanysady. Bul - túrkilerdiń «Ergeneqon» ańyzy boıynsha jasalǵan ekspozıtsııa. «Umaı ana», «Otana» jas analar men sábılerdiń táńir ıesi dep túsinip, syıynǵanyn jáne jarylqaýshysy bolǵanyn jetkizedi.

Buǵan deıin, Aqtaýda Túrki áleminiń mádenı astanasy jylynyń ashylý saltanasy aıasynda 25 myń adam jınalatyn ǵalamat shoý ótetini týraly jazǵan bolatynbyz