Aqtaý turǵyny úzdik oqıtyn balasynyń kolledjge túspeı qalǵanyna shaǵymdandy
Qoǵamdyq kommýnıkatsııa ortalyǵynyń málimetinshe, oblys ákimdiginiń telegram kanalyna Aqtaý qalasynyń turǵyny balasynyń kolledjge qabyldanbaı qalǵanyna shaǵymdanǵan.
Jeli qoldanýshysy oblys ákimdiginiń telegram kanalyna habarlasyp, balasynyń baǵalary jaqsy bolǵanyna qaramastan kolledjge oqýǵa qabyldanbaǵanyn aıtyp, kolledjge oqýǵa túsý qandaı tártipte júrgiziletini týraly saýal joldaǵan.
Jaýaptylar ata-ana saýalyna shuǵyl jaýap berip, oqýǵa túsýdiń tártibin túsindirdi.
Oblystyq bilim basqarmasy mamandarynyń aıtýynsha, oblys boıynsha kolledjderge memlekettik tapsyrys jergilikti jáne respýblıkalyq bıýdjet esebinen qarastyrylǵan.
Memlekettik tapsyrys esebinen bólingen kolledjderdiń mamandyqtar tizimi Mańǵystaý oblysy bilim basqarmasynyń resmı saıtynda ornalasqan.
- Oqýǵa túsýdi kolledj anyqtamaıdy. Konkýrs talapkerdiń bilim týraly qujatyna /attestatyna/ sáıkes mindetti jáne beıindi pánderdiń ortasha konkýrstyq balyn avtomatty túrde bólý arqyly aqparattyq júıe anyqtaıdy. Suraqtaryńyz boıynsha bilim basqarmasynyń 57-12-39 baılanys telefonyna habarlasyńyz,- deıdi Mańǵystaý oblystyq bilim basqarmasynyń jaýapty mamandary.
Qoǵamdyq kommýnıkatsııa ortalyǵy mamandarynyń aıtýynsha, jańa oqý jyly jaqyndap qalǵandyqtan oblys ákimdigi Telegram kanalyna orta, joǵary bilimge qatysty aryz-shaǵymdar kóptep túsip jatyr.
Oblystyq, qala jáne aýdannyń bilim salasy mamandary tıisti jaýapty ýaqytyly berip otyr.
Sonyń biri - Aqtaý qalasynyń turǵyny balasynyń baǵalary jaqsy bolǵanyna qaramastan kolledjge oqýǵa qabyldanbaǵanyn aıtyp, túsý tártibin suraǵan. Mamandar ony túsindirdi.
«Búgingi tańda telegram kanalǵa 11 156 adam tirkelgen. Barlyǵy 11 400 suraq kelip tústi. Onyń ishinde 11 385 suraqqa jaýap berildi»,-dedi qoǵamdyq kommýnıkatsııa ortalyǵy BAQ-pen jumys bóliminiń mamany Quralaı Іzbasarova.