Aqtaý turǵyny úlken kólemdegi qarý-jaraqty úıinde saqtap kelgen

AQTAÝ. QazAqparat - Aqtaý turǵyny qarý-jaraqty satyp jatqan jerinde ustaldy, dep habarlaıdy QazAqparat tilshisi.

Mańǵystaý oblystyq polıtsııa departamenti krımınaldyq polıtsııa basqarmasynyń qyzmetkerleri V esimdi azamattyń turǵylyqty jerin tintip, úlken kólemdegi qarý-jaraqty, oq-dáriler men bólshekterdi tapty.

Atalǵan derek boıynsha QR Qylmystyq kodeksiniń 287-baby, 3-bóligi boıynsha is qozǵalyp, polıtsııa departamentiniń Sotqa deıingi tergeýlerdiń biryńǵaı tizilimine engizilgen.

Kúdikti ýaqytsha qamaý ızolıatorynda. Oǵan qatysty sotqa deıingi tergeý bastalǵan.

Sondaı-aq, sot-ballıstıkalyq saraptama taǵaıyndalǵan. Qazir kúdiktiniń basqa qylmystarǵa qatysy bar-joǵy anyqtalýda.