Aqtaý turǵyny polıtseılerge ózi kelip saqtaǵan marıhýanasyn tapsyrǵan
ASTANA. QazAqparat - Aqtaýda bir qorap marıhýana saqtaǵan er adam ustaldy, dep habarlaıdy tumba.kz Aqtaý qalalyq sotynyń baspasóz qyzmetine silteme jasap.
Sottyń málimetterine qaraǵanda, oqıǵa qaladaǵy 2-yqsham aýdanda, 64-úıdiń mańynda bolǵan. 22 jastaǵy er adam polıtsııa qyzmetkerlerine esirtki zat salynǵan kúkirt qorabyn erikti túrde tapsyrǵan. Saraptama kezinde onyń ishinde 4 gramm marıhýana bar ekeni anyqtalǵan. Oqıǵa vıdeobaqylaý kamerasyna túsirilgen.
Sottyń úkimimen azamat M. QR QK 296-babynyń 2-bóligine (esirtki zattardy ótkizý maqsatynsyz zańsyz saqtaý) sáıkes aıypty dep tanylyp, oǵan 25 AEK mólsherinde aıyppul salyndy.
Sottyń úkimi zańdy kúshine engen joq.
