Aqtaý turǵyny avtoturaqtaǵy kólikti órtep jibergen
Mańǵystaý oblystyq soty baspasóz qyzmetiniń habarlaýynsha, oǵan qatysty QR QK 202-babynyń (Bótenniń múlkin qasaqana joıý nemese búldirý) 2-bóliginiń 1), 5) tarmaqtarymen qylmystyq is qozǵalǵan.
Búgin sot sheshimi shyqty.
«Sottalýshy R., Aqtaý qalasy 21-shaǵyn aýdanyndaǵy avtoturaqta bola tura bótenniń múlkin qasaqana joıyp, búldirý arqyly, iri kólemde zalal keltirip, avtoturaqta turǵan jábirlenýshiniń «Mıtsýbısı L200» avtokóliginiń ishine spırt quıyp, tutatylǵan temekimen órt qoıǵan. Nátıjesinde, avtokólik órtenip, jábirlenýshige 4 030 882 teńge mólsherinde materıaldyq shyǵyn keltirgen»,-delingen habarlamada.
Sot úkimimen R. QR QK-niń 202-babynyń 2-bóliginiń 1,5-tarmaqtarymen kináli dep tanylyp, oǵan 3 jyl merzimge bas bostandyǵynan aıyrý jazasy taǵaıyndaldy.