Aqtaý turǵyndary tanymal sportshylarmen tańǵy jattyǵý jasady
AQTAÝ. QazAqparat - Aqtaýlyqtar teńiz jaǵalaýynda álem jáne Olımpıada chempıondary - Jaqsylyq Úshkempirov, ıÝrıı Melnıchenko, Bahtııar Baıseıtov, Nurbaqyt Teńizbaev, Áset Imanbaev syndy sportshylarmen birge tańǵy jattyǵý ótkizdi. Bul týraly QazAqparat Mańǵystaý oblysy ákimdiginiń baspasóz qyzmetine silteme jasap habarlaıdy.
«Qazaqstan Respýblıkasynyń Prezıdenti Elbasymyz Nursultan Ábishuly Nazarbaev ár ýaqytta Qazaqstan halqynyń dene-shynyqtyrý men sportpen aınalysýyna erekshe kóńil bóledi. Al osyndaı oblys kóleminde uıymdastyrylǵan is-sharalar salaýatty ómir saltyn nasıhattaýǵa jáne halyq arasynda buqaralyq sportty damytýǵa baǵyttalǵan. Elimizdiń týyn bıikke kóterip, álemge pash etken qazaqtyń batyr uldarymen birge tańǵy jattyǵý jasaý bizder úshin úlken baqyt. Búgin aramyzda tańǵy jattyǵý jasaýǵa qatysyp otyrǵan jas sportshylarymyzǵa Chempıondardyń jolyn bersin», - dedi Mańǵystaý oblysynyń ákimi Eraly Toǵjanov.
Tańǵy jattyǵýdan keıin oblys turǵyndary men qonaqtary shaǵyn marafonǵa qatysyp, arqan tartý, qol kúresi boıynsha jarystarǵa qatysty. Sondaı-aq, qyzdarǵa arnalǵan bı men sporttyq baǵdarlama da uıymdastyryldy.
4 mamyr kúni Aqtaýda Olımpıada chempıony Jaqsylyq Úshkempirovtyń júldesi úshin halyqaralyq týrnır bastaldy.
