Aqtaý turǵyndary skrınıngtik tekserýden ótip jatyr

Aqtaý qalasynda medıtsınalyq qyzmet kórsetý sapasy men onyń qoljetimdiligi qanaǵattanarlyq jaǵdaıda  damyp keledi. 2011-2015 jyldarǵa arnalǵan «Salamatty Qazaqstan» baǵdarlamasy aıasynda jasalyp jatqan is-sharalardyń biri - halyqtyń nysanaly toptaryn skrınıngtik tekserýden ótkizý.  Bul jumystar qazirgi ýaqytta №1 Aqtaý qalalyq emhanasynda keshendi túrde júrgizilip jatyr.

Skrınıngtik tekserý degenimiz - bul aýrýlardy erte satyda anyqtaýǵa jáne aýrýlardyń damýyn, qaýip faktorlaryn, qosalqy aýrýlardyń týyndaýyn boldyrmaýǵa jáne halyq densaýlyǵyn nyǵaıtýǵa arnalǵan medıtsınalyq tekserý.

«Biz bul tekserýdi jyl saıyn júrgizip otyramyz. Bıyl qala boıynsha  skrınıngtik tekserýden ótetin 91614 adamdy tirkep otyrmyz. Olardyń barlyǵy qan aınalym júıesi boıynsha, arterııalyq gıpertonııa, ıshemııalyq júrek aýrýy, qant dıabeti, áıelder arasynda sút bezderiniń isikaldy, qaterli isik aýrýlary, glaýkoma, áıelderdiń jatyr moıyn isigi, toq jáne tik ishektiń qaterli isikteri sııaqty aýrýlar boıynsha eresekter arasynda medıtsınalyq tekserýler júredi.  Munda aıta ketetin jaıt - skrınıngtik tekserýden halyqtyń qaterli top tiziminde turǵandar  emes, deni saý áıelder men erler ótedi. Óıtkeni bul sharanyń maqsaty - osy aýrý túrlerin erte anyqtaý jáne aldyn alýǵa baǵyttalǵan. Atalǵan aýrý túrlerimen aýyratyn adam erte emdelse, tez jazylýǵa múmkindigi mol. Sondaı-aq, balalardy skrınıngtik tekserýler ártúrli jas kezeńinde, onyń ishinde jasóspirimdik kezeńde anatomııalyq-fızıologııalyq damý erekshelikterine baılanysty aýrýlardy erte anyqtaýǵa jáne damýynyń aldyn alý úshin júrgiziledi», - deıdi O.Jumalıeva. 

Sondaı-aq, 2008-2016 jyldarǵa arnalǵan halyqty saýyqtyrý, ortasha ómir súrý jasyn uzartýdy kózdeıtin elimizdegi  «Salaýatty ómir salty» baǵdarlamasynyń basty mindetteriniń biri - temeki shegýshiliktiń aldyn alý jáne toqtatý boıynsha qalalyq emhanada arnaıy kabınet ashyldy.  Baǵdarlamaǵa saı, temeki shegýden arylý joldary jaıynda keńes beretin psıhologtar daıyndalǵan. Profılaktıkalyq medıtsınalyq tekserýden ótken árbir temeki shegýshi áıel ne erkek sol kabınetke jiberiledi. Temekini óz erkimen tastaǵysy keletin, biraq erik-kúshi jetpeıtinder bolady. Sol adamdardy arnaıy esepke qoıyp, aı saıyn tekserýden ótkizip, psıholog pen medbıkeniń kómegimen tıisti sharalar jasalady.