Aqtaý turǵyndary elektrondy ámııannyń kómegimen geroın satqan
ASTANA. QazAqparat - Mańǵystaý oblysynyń turǵyndary zańsyz geroın satýmen aınalysqany anyqtaldy, dep habarlaıdy «QazAqparat» HAA Lada.kz-ke silteme jasap.
«Sot Aqtaý qalasynda iri esirtki partııasyn satýmen aınalysqan bes adamǵa qatysty qylmystyq isti qarady», - dep málimdedi qylmystyq ister jónindegi oblystyq mamandandyrylǵan sottyń bas mamany Aıjan Sándibaeva.
Іs materıaldaryna qaraǵanda, esirtkige táýeldi bolyp qalǵan adamdar vırtýaldy ámııandaǵy elektrondy shotqa aqsha aýdarý arqyly geroın alyp júrgen. Odan keıin esirtkini «saýdagerler» qalanyń túrli oryndarynda taratatyn bolǵan. Uıymdasqan qylmystyq top osy jolmen Aqtaýda bes aı boıy iri kólemde esirtki satyp kelgen.
Qylmystyq toptyń bes qatysýshysy top qurý, esirtki ótkizý, qylmystyq jolmen alynǵan aqshany zańdy aınalymǵa engizý qylmystaryn jasaǵanyn moıyndady. Olarǵa 16 jyldan 18 jylǵa deıin bas bostandyǵynan aıyrý, múlkin tárkileý jazasy berildi.
Sot úkimi zańdy kúshine endi.
