Aqtaý turǵyndary elektrondy ámııandy paıdalanyp, esirtki satyp kelgen
ASTANA. QazAqparat - Mańǵystaý turǵyndary geroın esirtkisin saýdalaýmen aınalysqan, dep habarlaıdy QazAqparat Lada.kz. saıtyna silteme jasap.
«Sotta 5 adamnyń Aqtaý qalasynyń aımaǵynda iri kólemde esirtki saýdalaý áreketine qatysty qylmystyq is qaraldy», dep habarlady oblystyń qylmystyq ister jónindegi mamandandyrylǵan sotynyń jetekshi mamany Aıjan Sandybaeva.
Іs máterıaldaryna qaraǵanda, esirtkige elitken adamdar aqshany vırtýaldy ámııannyń elektrondy shotyna jiberip otyrǵan. Budan soń esirtki saýdalaýshylar qalanyń túrli aımaqtaryndaǵy esirtkini alatyn oryndar týraly málimetterdi beretin bolǵan. Osyndaı jolmen uıymdasqan qylmystyq top músheleri Aqtaýda esirtkini 5 aı boıy iri kólemde saýdalap júrgen.
Uıymdasqan qylmystyq toptyń 5 múshesi uıymdasqan topty quryp, esirtki saýdalap, qylmystyq jolmen tapqan paıdany zańdastyrǵany úshin aıypty dep tanyldy. Olarǵa múlikterin tárkileı otyryp, 16-dan 18 jylǵa deıingi aralyqta bas bostandyǵyna aıyrý jazasy taǵaıyndaldy.
Sot úkimi kúshine endi.
