Aqtaý turǵyndary 25 qazan kúni avtobýsta tegin qatynaıdy
Qalalyq ákimdiktiń málimetinshe, Aqtaýda Respýblıka kúnine oraı seısenbi, 25 qazan kúni qoǵamdyq kólikte jol júrý tegin bolady.
«Aqtaý qalasynyń turǵyndary men qonaqtarynyń nazaryna! 25 qazan kúni Aqtaý qalasynda №2, 3, 4, 4M, 5, 7, 8 marshrýttarymen qatynaý tegin bolady» delingen habarlamada.
Eske sala keteıik, keshe Atyraý qalasynyń ákimdigi de osyndaı habarlandyrý jarııalaǵan bolatyn.
Smart Atyrau kommýnaldyq memlekettik mekemesiniń dırektory Arslan Aronovtyń aıtýynsha, 25 qazan kúni qoǵamdyq kólikter munaıly shahar turǵyndary men qonaqtaryn tegin tasymaldaıdy.
«Bıyl elimizde 25 qazan – Respýblıka kúni qaıtadan atyp ótiledi. Osyǵan oraı atyraýlyqtar men qonaqtar qala ishinde jáne oǵan taıaý ornalasqan eldi mekenderge qatynaıtyn barlyq qoǵamdyq kólikte tegin júredi. Ákimdik pen jolaýshy tasymaldaıtyn kásiporyndardyń ortaq sheshimimen qabyldanǵan bul múmkindikti jas aıyrmashylyǵyna qaramastan jolaýshylardyń bári paıdalana alady», -dep málim etti Arslan Aronov.
