Aqtaý túbindegi ushaq apatynyń aldyn ala sebepteri nege ýádeli ýaqytynda jarııalanǵan joq

ASTANA. KAZINFORM – Kólik mınıstri Marat Qarabaev Úkimet otyrysynan keıin ótken baspasóz máslıhatynda Aqtaý túbindegi ushaq apatynyń aldyn ala sebepteri nege ýáde etilgen merzimde jarııalanbaı jatqanyn túsindirdi.

- Mamandar tyńǵylyqty jumys istep jatyr. Oǵan halyqaralyq mamandar, Ázerbaıjannan, Reseı Federatsııasynan, Brazılııadan, ICAO-dan tartylǵanyn aıtqan edik. Bári birge jumys istep jatyr. Aıaqtaý kezeńinde satysynda deýge bolady. Aldyn ala qorytyndysy jaqyn kúnderi bizdiń resmı saıtymyzda jarııalanady dep oılaımyn, - dedi Marat Qarabaev.

Mınıstr ol aqparat naqty qaı kúni jarııalanatynyn aıtpady. 

- Mamandarǵa ýaqyt kerek. Bul óte názik, asqan tózimdi qajet etetin jumys. Resmı aqparat shyqqansha búge-shigesin ashyp aıta almaımyz. Biraq men jaqyn kúnderi jarııalaımyz dep ýáde beremin. Men tanysyp shyqtym, komıssııa meniń basshylyǵymmen kúndelikti jumys istep jatyr. Aıaqtaýǵa jaqyn qaldy, - dedi mınıstr. 

Eske salsaq, osydan kún buryn Premer-mınıstrdiń orynbasary Qanat Bozymbaev Aqtaý túbindegi ushaq apatynyń aldyn ala sebepteri kelesi aptada aıtylatynyn málim etken edi.