Aqtaý túbinde qulaǵan ázerbaıjandyq ushaqtyń eksklıýzıvti sýretteri jarııalandy
ASTANA. KAZINFORM – Ázerbaıjannyń AnewZ telearnasy 25 jeltoqsanda Aqtaý túbinde qulaǵan ushaqtyń apattan keıingi keıingi kórinisi týraly eksklıýzıvti kadrlar jarııalady.
Agenttik málimetinshe, ushaq fıýzelıajiniń sýretterinen, basqa da sýretterden syrttan kıligý áserinen bolǵan búliný belgilerin kórýge bolady. Naqty aıtqanda, jaryqshaqtardyń izi aıqyn beınelengen. Bul keskinder áýelde aıtylǵan qustarmen soqtyǵysý nemese ottegi ballonynyń jarylýy sııaqty boljamdarǵa kúmán týdyrady.
- Ázerbaıjan úkimetindegi derekkózdiń málimeti boıynsha tergeýdiń aldyn ala qorytyndysy ushaqty Groznyıǵa jaqyndap qalǵanda reseılik «Pantsır-S» áýe shabýylyna qarsy qorǵanys kesheninen ushyrylǵan zymyran qulatqanyn boljaıdy. Buǵan deıin Tsıfrlyq damý jáne kólik mınıstri Rashad Nabıev zymyran atylǵanyn, qandaı tıpti zymyran ekeni anyqtalyp jatqanyn málim etken. Ázerbaıjan prezıdenti Ilham Álıev ushaqty Reseıdiń áýe shabýylyna qarsy qorǵanysy Reseı aýmaǵynda baıqaýsyzda atqanyn málimdedi. Ázerbaıjan basshysy kináli tarap aıybyn tolyq moıyndap, kinálilerdi jazalaýdy, qurbandardyń ózine jáne otbasyna ótemaqy tóleýdi talap etti, - delingen materıalda.
Aqtaýdaǵy ushaq apatynyń hronologııasy.
Buǵan deıin Aqtaý túbindegi ushaq apatynyń sebepteri qashan naqty aıtylatyny belgili bolǵan edi.
30 jeltoqsanda Qazaqstan borttaǵy ózdiginen jazǵysh quraldardy Brazılııaǵa jiberdi.
