Aqtaý teńiz-saýda porty basshysyna qatysty is sotta qarala bastady

AQTÓBE. KAZINFORM — «Aqtaý teńiz saýda porty» UK» AQ basqarma tóraǵasy Abaı Túrikpenbaev pen taǵy úsh qyzmetkerge qatysty is boıynsha aldyn ala sot tyńdaýy ótti. Aıyptalýshylarǵa úsh bap boıynsha aıyp taǵylyp otyr.

Aqtaý qalalyq sotyna ulttyq kompanııa basshysy men qyzmetkerlerine qatysty is tústi. Abaı Túrikpenbaevqa Qylmystyq kodekstiń 28-baby 5-bóligi, 190-baby 4-bóligi 2-tarmaǵy, 361-baby 1-bóligimen aıyp taǵyldy. ıAǵnı «Aqtaý teńiz saýda porty» UK» AQ basqarma tóraǵasy alaıaqtyq jáne laýazymdyq ókilettilikti teris paıdalaný isi boıynsha sot aldynda jaýap beredi.

Sot kabınetindegi aqparatqa súıensek, Ahmad Mustafınge Qylmystyq kodekstiń «Alaıaqtyq», «Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrleriniń bólikterimen nemese derıvattarymen zańsyz aınalysý» baptary, Maqsat Núrken men Baqytbek Baqtybaev «Qylmystyq quqyq buzýshylyqqa sybaılas qatysýshylardyń túrleri», «Laýazymdyq ókilettikterdi teris paıdalaný» baptary boıynsha aıyp taǵylyp otyr.

Іs Aqtaý qalalyq sotyna 19 qarasha kúni tústi. Aldyn ala sot tyńdaýy jeltoqsanda ótti.

Eske salsaq, «Aqtaý teńiz saýda porty» Ulttyq kompanııasy aktsıonerlik qoǵamynyń basqarma tóraǵasy Abaı Túrikpenbaev bıyl mamyr aıynda ustaldy. Sol kezde Ulttyq qaýipsizdik Komıteti atalǵan tulǵaǵa qatysty QR Qylmystyq Kodekstiń 361-baby boıynsha sotqa deıingi tergeý júrgizip jatqanyn aıtty.