Aqtaý teńiz portynda mıllıonǵa jýyq qorap kontrabandalyq temeki anyqtaldy
Mańǵystaý oblysy boıynsha Memlekettik kirister departamenti men Ekonomıkalyq tergeý departamenti birlesip, iri kontrabandalyq temeki óniminiń jolyn kesti.
«Morport» keden beketinde Iran Islam Respýblıkasynan Almaty qalasyna baǵyt alǵan konteıner ustaldy. Inspektsııalyq tekserý kesheni (ITK) arqyly tekserilgennen keıin konteıner ashyldy. Qyzmetkerler qujattar boıynsha málimdelgen «jaryqdıodty shamdardyń» ornyna 866 myń qorap kóleminde jarııalanbaǵan taýar – temeki tapty.
Memleketke keltirilgen zalaldyń, tólenbegen kedendik tólemder men salyqtardyń aldyn ala somasy – keminde 300 mln teńge. Atalǵan fakti boıynsha QR QK 234-babymen qylmystyq is qozǵaldy, jedel is-sharalar júrgizilip jatyr.
Qazaqstan Respýblıkasy Qylmystyq-protsestik kodeksiniń 201-babyna sáıkes, ózge de málimetter tergeý múddesi úshin jarııalaýǵa jatpaıdy.
