«Aqtaý teńiz porty» keden beketi basshysynyń orynbasary paramen ustaldy

AQTAÝ. QazAqparat – «Aqtaý teńiz porty» keden beketi basshysynyń orynbasary para aldy degen kúdikpen ustaldy, dep habarlaıdy QazAqparat Astana TV-ǵa silteme jasap.

Sybaılas jemqorlyqqa qarsy is-qımyl agenttigi birneshe laýazymdy tulǵaǵa qatysty is júrgizýde, dep habarlady oblys prokýratýrasy. Sotqa deıingi tergeý «Adamdar tobynyń aldyn ala sóz baılasýy boıynsha birneshe ret para alýy» baby boıynsha bastaldy.

Aqshany deklaranttardyń kedendegi ókilderinen alǵan. Qansha soma ekeni belgisiz.

Basty kúdikti eki aıǵa qamaýǵa alyndy.

«Tergeý barysynda keden beketi basshysynyń orynbasary áshkerelendi. 10 qyrkúıekte sot oǵan qatysty kúzetpen ustaý túrindegi bultartpaý sharasyn sanktsııalady. Qazirgi ýaqytta tergeý organy qajetti tergeý áreketterin júrgizýde», - dedi Mańǵystaý oblysy prokýratýrasynyń aǵa prokýrory Áset Bekqaıyrov.