«Aqtaý teńiz porty» arnaıy ekonomıkalyq aımaǵynda 30 joba iske asyp jatyr
Arnaıy ekonomıkalyq aımaqta 28 mlrd teńge ınvestıtsııa salynǵan kaýstıkalyq soda jáne quramynda hlory bar ónimder shyǵaratyn zaýyt, ınvestıtsııasy 1,7 mlrd teńgege hımııalyq ónimder shyǵaratyn zaýyt, 1,1 mlrd teńgege bıg-begterdiń jumsaq qaptama ydysyn óndirý zaýyty jáne 14,2 mlrd teńge ınvestıtsııaǵa sorǵy shtangiler men oǵan qajetti mýftalar shyǵaratyn zaýyt jumys istep tur.
«Aqtaý teńiz porty» AEA ınvestıtsııasynyń jalpy kólemi 285,3 mlrd teńge, onyń ishinde sheteldik ınvestıtsııa – 169 mlrd teńge. 411,4 mlrd teńgeniń ónimi óndirildi, 1377-den astam jumys orny ashyldy, salyq tólemderiniń kólemi 54,8 mlrd.teńgege jetti. Sonymen qatar 2,7 mlrd.teńgege ónim eksporttaldy. 1 teńge bıýdjettik ınvestıtsııaǵa 36,6 teńge jeke ınvestıtsııa tartylyp, 7,1 teńge salyq aýdarymy tólendi» delingen baspasóz málimetinde.
Al 2017 jyly iske qosylǵan «KAZAKHSTAN PIPE THREADERS» (Tenaris) JShS premıým klasty gaz ótkizbeıtin burandaly qubyrlar shyǵaratyn zaýyt bar. Joba nátıjesinde 70 jumys orny ashylǵan.
Foto: Mańǵystaý oblysy ákiminiń baspasóz qyzmeti