Aqtaý-Taýshyq trassasyndaǵy jol apatynan 10 adam zardap shekti
ASTANA. QazAqparat - 4 qarasha kúni kúndiz Aqtaý-Taýshyq trassasynyń (110 km) boıynda eki kólik soqtyǵysty. Bul týraly Mańǵystaý oblystyq apat medıtsınasy ortalyǵynan habarlandy, dep jazady lada.kz.
Ortalyq mamandarynyń aıtýynsha, Aqtaý-Taýshyq joly boıyndaǵy apat shamamen saǵat 14-00-der kezinde boldy. Eki kóliktiń soqtyǵysýy saldarynan 10 adam zardap shekti.
Olardyń barlyǵy Taýshyq aýrýhanasyna jetkizildi. Zardap shekkenderdiń biriniń jaǵdaı óte aýyr. Ol qazir arnaıy apparatpen demalyp jatyr. Apattyń mán-jaıy anyqtalýda.
