Aqtaý soty elden shyǵaryp jibergen qandasymyzdy prokýratýra qaıta kirgizdi
ASTANA. KAZINFORM – Aqtaý qalasynyń ákimshilik quqyq buzýshylyqtar jónindegi mamandandyrylǵan sotynyń qaýlysymen Ózbekstan Respýblıkasynyń azamaty N.Qıbasov tirkeý merzimi aıaqtalǵannan keıin elden ketýden jaltarǵany úshin ÁQBtK-niń 517-baby 4-bóligimen ákimshilik jaýaptylyqqa tartylyp, oǵan Qazaqstan Respýblıkasynyń sheginen shyǵaryp jiberý jazasy qoldanylǵan.
Qazaqstan Respýblıkasynyń zańnamasyna sáıkes sot sheshimimen elden shyǵarylǵan tulǵa bes jylǵa deıin qaıta kire almaıdy.
Mańǵystaý oblysynyń prokýratýrasy N.Qıbasovtyń «qandas» mártebesin alǵanyn jáne Qazaqstan azamattyǵyn alý úshin qujattar rásimdep jatqanyn eskerip, oǵan taǵaıyndalǵan jazany jeńildetý týraly kassatsııalyq narazylyq keltirý jóninde Bas prokýratýraǵa usyný engizgen.
Bas prokýratýranyń narazylyǵy boıynsha Joǵarǵy Sot atalǵan sot qaýlysynyń kúshin joıyp, isti jańadan qaraýǵa joldaǵan.
Іsti jańadan qaraý nátıjesi boıynsha sot N.Qıbasovqa aıyppul salynyp, elden shyǵarý jazasy qoldanylmady.