Aqtaý sammıti: Qazaqstanǵa Iran men Ázerbaıjan prezıdentteri keldi
AQTAÝ. QazAqparat - Búgin Kaspıı mańy memleketteriniń besinshi sammıtine qatysý úshin kórshiles elderdiń prezıdentteri Aqtaýǵa saparmen kelip jatyr, dep habarlaıdy QazAqparat.
Aqtaý áýejaıyna Ázerbaıjan Prezıdenti Ilham Álıev mingen ushaq birinshi bolyp qondy. Ony Qazaqstan jaǵynan Energetıka mınıstri Qanat Bozymbaev qarsy aldy. Odan keıin Aqtaý sammıtine Iran Prezıdenti Hasan Rýhanı bastaǵan delegatsııa keldi.
Aıta keteıik, túske deıin Qazaqstanǵa Reseı Prezıdenti Vladımır Pýtın jáne Túrkimenstan Prezıdenti Gýrbangýly Berdimuxamedov keledi dep kútilýde.
Aıta keteıik, Elbasy Nursultan Nazarbaev Aqtaýǵa sammıt qarsańynda kelip, óńirdegi birqatar mańyzdy nysandardy aralap kórdi.
Aqtaý sammıti shahardaǵy «Dostyq úıinde» ótedi dep kútilýde. Aqtaýda ótetin Kaspıı mańy memleketteri basshylarynyń sammıtinde Kaspıı teńiziniń quqyqtyq mártebesi týraly konventsııaǵa qol qoıylady. Qujat teńiz akvatorııasyn, Kaspıı teńizi túbin bólýge, bıoresýrstardy qorǵaýǵa, balyq aýlaýǵa, sonymen qatar Kaspıı túbimen qubyr tartýǵa qatysty erejelerdi qamtıdy.
