Aqtaý prokýrory qyzmetinen ýaqytsha shettetildi

AQTAÝ. KAZINFORM — Aqtaý prokýrorynyń ustalýyna qatysty is boıynsha shaǵym túsirildi.

Almatynyń avıatsııalyq kólik prokýrory Aqtaý qalasynyń mamandandyrylǵan sotynyń Erbolat Abdirovke qatysty usaq buzaqylyq faktisi boıynsha isti toqtatý týraly sheshimine shaǵym túsirgen. 

Qazaqstannyń Bas kólik prokýratýrasy bul sot aktisiniń zańdylyǵy men apellıatsııalyq shaǵymda keltirilgen ýájderdi Mańǵystaý oblystyq soty belgilengen tártippen qaraıtynyn málimdedi.

— Qyzmettik tergeý júrgizilýine baılanysty, Qazaqstan Respýblıkasynyń «Quqyq qorǵaý qyzmeti týraly» Zańynyń 38-baby 1-bóliginiń 2) tarmaqshasyna sáıkes, Erbolat Abdirov qyzmettik jaýapkershiligine qatysty másele tolyq sheshilgenge deıin qyzmetinen ýaqytsha shettetildi, — dep habarlaıdy vedomstvonyń baspasóz qyzmeti.

Buǵan deıin habarlaǵanymyzdaı, Almaty áýejaıynda Aqtaý qalasynyń prokýrory mas kúıinde tártip buzǵany úshin ustaldy.

Keıinnen Aqtaý prokýrory Erbolat Abdirovke qatysty isti Ákimshilik quqyq buzýshylyqtar jónindegi mamandandyrylǵan sot toqtatqan bolatyn.