11:16, 25 Sáýir 2019 | GMT +6

Aqtaý portyna Iran Áskerı-teńiz kúshteriniń jaýyngerlik kemeleri keldi

AQTAÝ. QazAqparat - Ekijaqty áskerı yntymaqtastyqty nyǵaıtý maqsatynda Aqtaý portyna Iran Islam Respýblıkasynyń Áskerı-teńiz kúshteriniń jaýyngerlik kemeleri kelip jetti, dep habarlaıdy «QazAqparat».

QR Qorǵanys mınıstrliginiń baspasóz qyzmetinen málim etkendeı, ırandyq «Djýshan» jáne «Separ» kemeleriniń joldaǵy qashyqtyǵy shamamen 450 teńiz mılin quraǵan. Olardy Aqtaý teńiz portynda QR Áskerı-teńiz kúshteriniń «Qazaqstan» zymyrandyq-artıllerııalyq kemesi qarsy aldy. null

Hattamaǵa sáıkes, QR Qarýly Kúshteriniń Áskerı-teńiz kúshteri men Iran Islam Respýblıkasy Armııasynyń Áskerı-teńiz kúshteri arasynda kemelerdiń ózara sapar almasýy, sondaı-aq keme ekıpajdarynyń ekskýrsııalary qarastyrylǵan.

Tájirıbe almasý baǵdarlamasy aıasynda sporttyń ár túri boıynsha jarystar ótkiziletin bolady. Sondaı-aq Iran Áskerı-teńiz kúshteriniń ekıpajy Aqtaýdyń kórikti jerleri men mádenı obektilerin aralaıtyny josparlanǵan.

Esterińizge sala keteıik, 2017 jyldyń qyrkúıeginde QR Áskerı-teńiz kúshteriniń «Sary-Arqa» jáne «Oral» zymyrandyq-artıllerııalyq kemeleri Iran Islam Respýblıkasynyń Bender-Enzelı portyna bardy. null

Tegter:

Қазақстан әскері Маңғыстау облысы Аймақ Қазақстанның сыртқы саясаты ҚР Қорғаныс министрлігі Қазақстан және Азия елдері Қазақстанның халықаралық қызметі. Сыртқы саясат Әскери ынтымақтастық

Сейчас читают