Aqtaý portynda konteıner tasymaly rekordtyq deńgeıge jetti
ASTANA. KAZINFORM — Aqtaý porty arqyly konteınerlik tasymal kólemi rekordtyq deńgeıge jetti. 2026 jylǵy qyrkúıekte portta 10 186 TEU óńdelip, bul ótken jyldyń osy kezeńimen salystyrǵanda 80%-ǵa kóp boldy. Bul týraly «QTJ» UK-nyń baspasóz qyzmeti málim etti.
Kompanııanyń málimetinshe, bıylǵy jyldyń qyrkúıektegi qorytyndysy boıynsha Aqtaý porty arqyly 10 186 TEU aýystyryp tıeldi, bul 2025 jyldyń uqsas kezeńi kórsetkishinen 80% artyq.
— Qol jetkizilgen nátıje port úshin jańa rekordtyq kórsetkish boldy jáne Kaspıı teńizi arqyly konteınerlik tasymaldarǵa suranystyń turaqty ósimin kórsetedi, — delingen habarlamada.
Oń dınamıkaǵa THKB boıynsha júk aǵyny kóleminiń ulǵaıýy, marshrýtta konteınerlik ınfraqurylymdy damytý, sondaı-aq júkterdi temirjol jáne porttyq óńdeý múmkindikterin keńeıtý yqpal etip otyr.
Aıta keteıik, buǵan deıin Qazaqstan Eýrazııanyń tranzıttik habyna aınalyp kele jatqanyn jazdyq.
