Aqtaý porty arqyly júk konteınerlerin aýystyryp tıeý eki esege artty

AQTAÝ. KAZINFORM – Bıylǵy qańtar aıynda Transkaspıı halyqaralyq kólik baǵytyndaǵy Aqtaý porty arqyly konteınerlerdi aýystyryp tıeý 2 ese óskeni belgili boldy.

«Qazaqstan temir joly» UK» AQ baspasóz qyzmetiniń málimetinshe, 2024 jylǵy qańtarda Aqtaý teńiz porty arqyly júkterdi aýystyryp tıeýdiń jalpy kólemi 360 myń tonnadan asqan.

«Bul 2023 jylǵy kórsetkishpen salystyrǵanda 12,7 paıyzǵa kóp boldy. Port 3 myń tonna astyq, 310 myń tonna munaı men munaı ónimderin aýystyryp tıeýdi qamtamasyz ete aldy. Teńiz aılaǵy 2,3 myńnan astam konteınerdi jıyrma fýttyq ekvıvalentte óńdedi. Bul kórsetkish ótken qańtarǵa qaraǵanda 30% kóp», - dep jazylǵan kompanııa taratqan aqparatta.

Onyń ishinde Transkaspıı halyqaralyq kólik baǵyty boıynsha 2 myńnan astam jıyrma fýttyq ekvıvalentte bary belgili boldy. Bul kórsetkish ótken jyldyń deńgeıine qaraǵanda 2 esege kóbeıgen.