AKTAU OPEN FEST 2015 festıvaline jergilikti sýretshiler 3D týyndy tartý etti (FOTO)
AQTAÝ. QazAqparat - AKTAU OPEN FEST 2015 jastar sporty festıvaliniń uıymdastyrýshylaryna graffıtı stılinde jumys jasaıtyn jergilikti sýretshiler Sergeı Rýdenko men Aleksandr Prıhodko aýmaǵy 103 sharshy metr sýretti tartý etti.
Sýret 3D formatynda oryndalǵan.
«Kompıýterlik grafıka kómegimen 3D stılinde sýret salýdyń ońaılatylǵan tásilin oılap taptym. Ári, onyń tıimdi ekenine kóz jetkizdim. Dos sýretshilerdi tarta otyryp, jobany qolǵa aldyq. Festıval logotıpin salýǵa sheshim qabyldap, sýretin ázirledik. Bul ıdeıany shara uıymdastyrýshylarymen birlesip talqylap, kólemin naqtyladyq. Sýretti salýǵa bir aıdaı ýaqyt jumsadyq», - deıdi Sergeı Rýdenko. Sýretshiniń aıtýynsha, sýretti salýda onyń eki jazyqtyqtan turatyny qıyndyq týdyrǵan. Osyndaı kórkem týyndyny dúnıege ákelýge Katıa Ponamareva, Vladımır Vıalkov, Konstantın Baskakov, Marına Demchenko tárizdi óner ıeleri óz úlesterin qosqan. Olardyń aıtýynsha, sýretti salýǵa túrli tústi 98 boıaý ballondary qajet bolǵan. «Bul týyndyǵa biz kúshimiz ben qarajatymyzdy ǵana jumsaǵan joqpyz, ony bar jan-tánimizben saldyq. Turǵyndarǵa unap jatsa, qýanyshtymyz», - deıdi sheberler.
