Aqtaý men Ystanbul arasyn jańa áýe reısi jalǵaıdy
Sharaǵa Mańǵystaý oblysynyń ákimi S.Trumov Túrkııanyń Qazaqstandaǵy Tótenshe, jáne Ókiletti Elshisi Ýfýk Ekıdjı, Túrkııanyń Aqtaýdaǵy bas konsýly Mýzaffer Akıyldyrym jáne Türkısh airlines kompanııasy fılıalynyń dırektory Hasan Savash Erden qatysty.
Aqtaý qalasy Kaspıı jaǵalaýy men onyń aınalasyndaǵy kórikti jerlerdiń ásemdigin kórgisi keletin týrısterdi shaqyra otyryp, sondaı-aq álemdik bıznes qaýymdastyqty ınfraqurylymǵa ınvestıtsııa salýǵa tartady.
«Sońǵy 10-15 jylda Mańǵystaý oblysy sheteldik ınvestorlar úshin eń tartymdy aımaqtardyń biri boldy. Sonymen qatar, Mańǵystaý oblysy - bul eldiń týrıstik áleýetin damytýdyń negizgi baǵyty. Alǵa qoıylǵan maqsattarǵa jetý jáne ekonomıka deńgeıin kóterý úshin oblystyń kólik áleýetin damytý qajet. Uzaq qashyqtyq, jyldamdyq, qamtamasyz etilgen jaılylyq jáne basqa da faktorlar, eń aldymen áýe kóliginiń damýyna yqpal etedi. Mańǵystaý oblysynyń geografııalyq ornalasýy odan ári ıntermodaldyq tasymaldaý júıesiniń damýyna yqpal etedi (kóliktiń barlyq túrleriniń bolýy: avıatsııa, teńiz, temirjol, avtomobıl joldary)»,- dep atap ótti aımaq basshysy S.Trumov.
Aqtaý áýejaıynan ishki reısterdiń tranzıttik jolaýshylarynyń (Atyraý, Shymkent, Kokshetaý, Oral, Aqtóbe) Máskeý, Ystanbul, Baký arqyly kez kelgen jerge jetýge múmkindigi bar. Sonymen qatar, Aqtaý áýejaıy Kaspıı mańyndaǵy qalalarmen, Kavkazben, Grýzııamen, Armenııamen tyǵyz baılanysqa ıe. Jańadan ashylyp otyrǵan reıs arqyly Mańǵystaý turǵyndary ejelgi tarıhy bar Ystanbul qalasyna saıahat jasaı alady.
«Ystanbul-Aqtaý-Ystanbul» baǵyty boıynsha jańa reıs «Turkish Airlines avıakompanııasynyń A320 Neo áýe kemesimen 2021 jyldyń 23 shildesinen bastap aptasyna eki ret, seısenbi jáne juma kúnderi ushady.