Aqtaý men Shymkent qalalarynan Túrkııa áýereısin ashý josparlanyp otyr

ASTANA. QazAqparat – Túrkııanyń Syrtqy ister mınıstri Hakan Fıdanmen kezdesken QR Syrtqy ister mınıstri Murat Nurtileý eki el arasyndaǵy áýereısterdiń sanyn arttyrý múmkindigi jaıly aıtty, dep habarlaıdy QazAqparat tilshisi.

«Áýe qatynastarymyzdyń jıiligi 40-tan 93-ke deıin artty. «Astana-Ankara» jáne «Almaty-Ankara» baǵyttary boıynsha áýereısteri ashyldy. Basqa iri qalalardy baılanystyratyn baǵyttardy qarastyrý kózdelgen. Qazirgi kezeńde Aqtaý men Shymentten áýe qatynasyn ornatý múmkindikteri qarastylyrýda. Osynyń barlyǵy – eki eldi jaqyndastyra túsetin aıtýly is-sharalar», - dep málim etti Murat Nurtileý.

Sonymen qatar vedomstvo basshysy qarashada Túrkistan qalasynda ótetin Túrki memleketteriniń mereıtoılyq 10-shy sammıtine qatysý úshin Túrkııa Prezıdenti Rejep Taııp Erdoǵan keletinin atap ótti.

Buǵan qosa, mınıstr atap ótkendeı, bıyl 7 aıda Qazaqstan men Túrkııa arasyndaǵy saýda aınalymy 3,6 mldr dollarǵa jetti.