Aqtaý men Qostanaıda jańa tennıs ortalyqtary ashylady
ASTANA. QazAqparat - Qazaqstannyń Táýelsizdik kúni qarsańynda Aqtaý men Qostanaı qalalarynda jańa tennıs ortalyqtary ashylady, dep habarlady Qazaqstan tennıs federatsııasynyń baspasóz qyzmetinen.
Baspasóz qyzmetiniń aqparatynsha, Aqtaý qalasyndaǵy tennıs ortalyǵynda 5 kort bolady. Olardyń ekeýi jabyq: bireýi 500 oryndyq trıbýnasy bar, ekinshisi jattyǵýlarǵa arnalǵan. Ortalyq aýmaǵynda 40 oryndyq býfet, trenajer zaly, medıtsınalyq pýnkt, kıim sheshetin bólmeler, nusqaýshylardyń kabınetteri, akt zaly men ózge de bólmeler bolady.
Qostanaıdaǵy tennıs ortalyǵynda 6 kort bolady: úsh ashyq jáne úsh jabyq. Ortalyq aýmaǵynda trenajer zaly, kıim sheshetin bólmeler, dýshtar men ózge de bólmeler bolady.
