Aqtaý mektebinde muǵalim kóz jumdy
ASTANA. QazAqparat - Aqtaýdaǵy №8 mektepte muǵalim kóz jumdy, dep habarlaıdy Lada.kz.
Mańǵystaý oblysynyń jedel jáne shuǵyl medıtsınalyq járdem stantsııasy dıspetcherlik bólimine 7 naýryz saǵat 11:40-de Aqtaý qalasyndaǵy №8 orta mektepten jedel qońyraý túsken. Dárigerlerdiń jedel kórsetken kómekterine qaramastan áıel kóz jumdy.
Mańǵystaý oblysynyń jedel jáne shuǵyl medıtsınalyq járdem stantsııasy bas dárigeriniń orynbasary Rahymjan Eltaev áıeldiń ne sebepten kóz jumǵany belgisiz ekendigin aıtty.
«Ólim sebebi tekserýden keıin belgili bolady. Reanımatsııalyq áreketter óziniń nátıjesin bermedi. Mektep qyzmetkerleriniń sózine qaraǵanda, áıel birneshe kún qan qysymynyń kóterilip júrgendigi týraly aıtqan. Ol dıspanserlik esepte turmaǵan jáne syrqaty boıynsha dárigerdiń kómegine júginbegen», - dedi Rahymjan Eltaev.
