12:44, 15 Qazan 2020 | GMT +5
Aqtaý mańynda teplovoz ben avtobýs soqtyǵysty
AQTAÝ. QazAqparat - Aqtaý mańynda teplovoz ben avtobýs soqtyǵysty. Oqys oqıǵa búgin 07:25 shamasynda bolǵan, dep habarlaıdy QazAqparat tilshisi oblystyń polıtsııa departamentine silteme jasap.

Departamenttiń habarlaýynsha, 102 kezekshisiniń dıspetcherlik bólimine Ómirzaq aýylyndaǵy temirjol ótkelinde jolaýshylar avtobýsy men teplovoz soqtyǵysyp qaldy degen qońyraý túsken. Júrgizýshi jaqyndap kele jatqan teplovozdy baıqamaı qalǵan.
«Zardap shekkender joq. Avtobýs ishinde adam bolmaǵan. Avtobýs júrgizýshisine QR ÁQBtK-niń 610-baby boıynsha ákimshilik hattama toltyryldy», - delingen habarlamada.
Júrgizýshige 20 aılyq eseptik kórsetkish mólsherinde aıyppul salynýy nemese alty aıǵa deıin kólik quralyn júrgizý quqyǵynan aıyrylýy múmkin.