Aqtaý mańyndaǵy ushaq qulaǵan jerden taǵy bir qara jáshik tabyldy

ASTANA. KAZINFORM – Keshe Aqtaý mańynda ushaq apatqa ushyrap, keıin qara jáshik tabylǵan edi. Búgin taǵy bir qara jáshik tabylǵany belgili boldy. Bul týraly Mańǵystaý oblysynyń kólik prokýrory Abylaıbek Ordabaev málim etti.

— Borttan eki qara jáshik tabyldy. Áýe oqıǵalaryn tergeý basqarmasyna tapsyrylyp, keıin olar qaralady, — dedi Mańǵystaý oblysynyń kólik prokýrory Abylaıbek Ordabaev Aqtaýda ótken baspasóz máslıhatynda. 

Sondaı-aq kólik prokýrory ushaq qulaǵan jerde júrgizilgen jumystar týraly aıtty.

— Zardap shekkenderden jáne jerdegi qyzmet qyzmetkerlerinen jaýap alyndy. Sondaı-aq barlyq kýágerdi anyqtap jatyrmyz. Dıspetcherler men ekıpaj arasyndaǵy radıostantsııa boıynsha kelissózder jazbasy alyndy. Oqıǵa ornyn tekserýdi aıaqtaý satysynda 4 myń sharshy metrden astam aýmaqty polıtsııa kúshimen kúzetý qamtamasyz etildi, — dep tolyqtyrdy spıker. 

Aıta keteıik, Aqtaý mańyndaǵy ushaq apatynan qaıtys bolǵan qazaqstandyqtardyń otbasyna memlekettik qarjylaı qoldaý kórsetiledi. 

Buǵan deıin Úkimet basshysynyń orynbasary Qanat Bozymbaev Aqtaý mańyndaǵy ushaq apatynyń sebebine qatysty túsinik berdi. 

Odan bólek, ushaq apatynan zardap shekkenderdiń qazirgi jaǵdaıy aıtyldy.