Aqtaý mańyndaǵy ushaq apaty: zardap shekken otbasylarǵa qarjylaı qoldaý kórsetiledi
ASTANA. KAZINFORM – Aqtaý mańyndaǵy ushaq apatynan qazaq tapqan jandardyń otbasyna memlekettik áleýmettik qoldaý kórsetiledi. Bul týraly Eńbek jáne halyqty áleýmettik qorǵaý mınıstriniń birinshi orynbasary Aqmádı Sarbasov málim etti.
— Memlekettik áleýmettik saqtandyrý qory aıasynda asyraýshysynan aırylý boıynsha tólem jasaý týraly sheshim qabyldandy. Jergilikti qurylym jelisi boıynsha demeýshilermen, jumys berýshilermen ózara is-qımyl jasaımyz. Árıne, birjolǵy kómek kórsetiledi. Qazir onyń mólsheri anyqtalady. Kepildendirilgen memlekettik tólemderge keletin bolsaq, respýblıkalyq bıýdjet jelisi boıynsha árbir otbasy boıynsha tıisti tólemder júzege asyrylady, — dedi Aqmádı Sarbasov Aqtaýda ótken baspasóz máslıhatynda.
Onyń málimdeýinshe, asyraýshysynan aıyrylý boıynsha 138 myń teńge kóleminde kómek kórsetiledi.
— Memlekettik áleýmettik saqtandyrý qory esebinen 257 myń teńge tólem jasalady, — deıdi ol.
Buǵan deıin Úkimet basshysynyń orynbasary Qanat Bozymbaev Aqtaý mańyndaǵy ushaq apatynyń sebebine qatysty túsinik berdi.
Sondaı-aq, ushaq apatynan zardap shekkenderdiń qazirgi jaǵdaıy aıtyldy.