Premer-mınıstr avıatsııalyq qaýipsizdikti kúsheıtý jóninde birqatar tapsyrma berdi
ASTANA. KAZINFORM – Premer-mınıstr Oljas Bektenov QR Úkimeti janyndaǵy Quqyq buzýshylyqtyń aldyn alý jónindegi vedomstvoaralyq komıssııa otyrysy sheńberinde kún tártibinen tys Premer-mınıstrdiń orynbasary Qanat Bozymbaevtyń Aqtaý qalasy mańyndaǵy ushaq apaty ornyndaǵy Úkimettik komıssııanyń jumysy týraly esebi tyńdaldy.
Úkimettiń baspasóz qyzmeti habarlaǵandaı, qutqarý qyzmeti izdeý jumystaryn aıaqtady. Ushaq apaty saldarynan 29 adam aýrýhanaǵa jatqyzyldy, 38 adam qaza tapty.
Patsıentter túrli jaraqattarmen, negizinen kóptegen jaraqatpen túsken. Jaǵdaı turaqtanǵannan keıin olar profılder boıynsha aýrýhanaǵa jatqyzyldy, tolyq kólemde em alyp jatyr. Sondaı-aq sanıtarlyq avıatsııa jelisi arqyly Astanadan Ulttyq shuǵyl medıtsına ortalyǵy men jetekshi respýblıkalyq ortalyqtardyń joǵary bilikti mamandary keldi.
Qazaqstandyq mamandardan bólek RF TJM arnaıy keńesi men Ázerbaıjan Respýblıkasynyń sanıtarlyq avıatsııa brıgadasy da keldi. Zardap shekkender men qaza tapqandardyń týystary keledi, olarǵa oblys ákimdigi transfert, ornalastyrý jáne tamaqtaný boıynsha qajetti kómek kórsetedi. Psıhologtar toby jumys istep jatyr.
Kólik mınıstrligi Ázerbaıjan Respýblıkasy Úkimetimen birlesip jumys isteıdi. Erteń Brazılııanyń avıatsııalyq bıligi men Embraer kompanııasy keledi dep josparlanǵan. Túpqaraǵan aýdanynda jergilikti tehnogendik sıpattaǵy tótenshe jaǵdaı rejımi jarııalandy.
Prezıdent Qasym-Jomart Toqaevtyń tapsyrmasy boıynsha zardap shekkenderge tolyq kólemde medıtsınalyq kómek kórsetilip qaza tapqandardyń týystary men jaqyndaryna qajetti qoldaý sharalary kórsetilip jatyr. Qazirgi ýaqytta jedel jeli jumys istep tur, oǵan myńnan astam qońyraý tústi.
- Birinshi kezekte qaza tapqandardyń týystary men jaqyndaryna kóńil aıtamyn. Qazaqstan Úkimeti men ýákiletti organdar zardap shekkenderge jáne qaıtys bolǵandardyń týystaryna barlyq qajetti kómekti kórsetip jatyr, - dep atap ótti Oljas Bektenov.
Premer-mınıstr avıatsııalyq qaýipsizdikti kúsheıtý jóninde birqatar tapsyrma berdi.
Qutqarý qyzmeti izdeý jumystaryn aıaqtady. Ushaq apaty saldarynan 29 adam aýrýhanaǵa jatqyzyldy, 38 adam qaza tapty.
Patsıentter túrli jaraqattarmen, negizinen kóptegen jaraqatpen túsken. Jaǵdaı turaqtanǵannan keıin olar profılder boıynsha aýrýhanaǵa jatqyzyldy, tolyq kólemde em alýda. Sondaı-aq sanıtarlyq avıatsııa jelisi arqyly Astanadan Ulttyq shuǵyl medıtsına ortalyǵy men jetekshi respýblıkalyq ortalyqtardyń joǵary bilikti mamandary keldi.
Qazaqstandyq mamandardan bólek RF TJM arnaıy keńesi men Ázerbaıjan Respýblıkasynyń sanıtarlyq avıatsııa brıgadasy da keldi.
Zardap shekkender men qaza tapqandardyń týystary keledi, olarǵa oblys ákimdigi transfert, ornalastyrý jáne tamaqtaný boıynsha qajetti kómek kórsetedi. Psıhologtar toby jumys istep jatyr.
Aıta keteıik, QR TJM baspasóz qyzmeti Aqtaý mańynda apatqa ushyraǵan ushaqqa qatysty sońǵy derekterdi jarııalady.