Aqtaý mańyndaǵy áýe apatynan tiri qalǵan qansha adam eline oraldy
ASTANA. KAZINFORM – Aqtaý mańyndaǵy ushaq apatynan zardap shekken jandarǵa qazaqstandyq dárigerler medıtsınalyq járdemdi tolyq kórsetip jatyr.
— Búgin tańerteń Reseı Federatsııasynyń 9 azamaty sanıtarlyq avıatsııa bortymen Máskeýde odan ári em alýǵa evakýatsııalandy. Sondaı-aq, búgin keshke 14 patsıent, ıaǵnı Ázerbaıjan azamattary eline attanady. Qazirgi ýaqytta 6 patsıent em alyp jatyr, onyń úsheýi Ázerbaıjan azamaty jáne úsheýi Qyrǵyzstan azamaty, — dedi Densaýlyq saqtaý mınıstriniń orynbasary Tımýr Muratov Aqtaýda ótken baspasóz máslıhatynda.
Buǵan deıin vıtse-mınıstr ushaq apatynan zardap shekkenderdiń qazirgi jaǵdaıy týraly aıtqan edi.
Aıta keteıik, ushaq apatyn zertteıtin komıssııa shetel sarapshylaryn kútip otyr.
Sondaı-aq Reseı men Ázerbaıjan ushaq apatyn zertteıtin krımınalıstıkalyq tergeýge jiberilmeıdi.
Brıfıng barysynda Úkimet basshysynyń orynbasary Qanat Bozymbaev Aqtaý mańyndaǵy ushaq apatynyń sebebine qatysty túsinik berdi.
Sonymen qatar Aqtaý mańyndaǵy ushaq qulaǵan jerden taǵy bir qara jáshik tabylǵany belgili boldy.
Aqtaý mańyndaǵy ushaq apatynan qaıtys bolǵan qazaqstandyqtardyń otbasyna memlekettik qarjylaı qoldaý kórsetiledi.