Aqtaý mańyndaǵy áýe apaty: sońǵy málimetterge sholý

ASTANA. KAZINFORM – Aqtaý mańynda bolǵan áýe apatyna qatysty 26 jeltoqsandaǵy sońǵy málimetter hronologııasyn usynamyz. 

Ұшақ апатын зерттейтін комиссия сарапшыларды күтіп отыр 
Фото: ҚР ТЖМ

Tańerteń belgili bolǵandaı, Aqtaý mańynda ushaǵy apatqa ushyraǵan Embraer kompanııasy resmı málimdeme jasap, qaza tapqandardyń otbasyna kóńil aıtty. 

Embraer kompanııasy Aqtaý mańynda ushaǵy apatqa ushyraǵannan keıin resmı málimdeme jasady
Foto: Aıagóz Іzbasarova/Kazinform

Búgin Qazaqstanǵa Azerbaijan Airlines áýekompanııasynyń ókilderi keldi. Osylaısha derekterdi usyný jáne azamattyq avıatsııadaǵy jáne eksperımenttik avıatsııadaǵy avıatsııalyq oqıǵalar men ıntsıdentterdi tergeý qaǵıdalaryna sáıkes Kólik mınıstrligi avıatsııalyq oqıǵany tergeý jónindegi komıssııa qurdy. 

Sondaı-aq, Ázerbaıjan Respýblıkasynyń Prezıdenti Ilham Álıevtiń tapsyrmasyna sáıkes Ázerbaıjan Tótenshe jaǵdaılar mınıstrliginiń tájirıbeli psıhologtary, dárigerleri men qutqarýshylarynan quralǵan top Aqtaýǵa attandy.

Ázerbaıjan ókilderi ushaq apatyn tergeý úshin Qazaqstanǵa attandy
Foto: Mańǵystaý oblysy ákimdigi

Senat tóraǵasy Máýlen Áshimbaev Aqtaý qalasynyń mańyńda Azerbaijan Airlines ushaǵy apatqa ushyraǵannan keıin, tıisti organdar dereý iske kirisip, qutqarý operatsııa aıasynda qajet sharalar qabyldanatynyn aıtty. Sondaı-aq, Senat spıkeri ushaq apatyna qatysty ártúrli alypqashpa áńgimelerdi taratý kerek emestigin aıtty

Máýlen Áshimbaev
Foto: QZSI

Búgin tańerteń Mańǵystaý jurty ushaq apatynan zardap shekken 9 Reseı azamatyn Máskeýge shyǵaryp saldy.

 Mańǵystaýlyqtar ushaq apatynan zardap shekken 9 reseılik azamatty Máskeýge shyǵaryp saldy
Foto: Mańǵystaý oblysy ákimdigi

Ushaq apatynan qaza tapqan bir adamnyń aty-jóni anyqtaldy. Mańǵystaý oblystyq Densaýlyq saqtaý basqarmasynyń saǵat 10:30-daǵy málimeti boıynsha aýrýhanaǵa kelip túsken barlyq patsıent Densaýlyq saqtaý mınıstrliginiń dıagnostıka jáne emdeý hattamasyna sáıkes tolyq kólemde em alyp jatyr.

vrachı, bolnıtsa
Foto: Kazinform

Túske qaraı elimizdiń Tótenshe jaǵdaılar mınıstrligi apat ornynda ushaqtyń konstrýktsııalaryn bólshekteý jumystary jalǵasyp jatqanyn habarlady.

Oqıǵa saldaryn joıýǵa 306 adam, 101 birlik tehnıka, 2 áýe kemesi jáne 6 kınologııalyq eseptop jumyldyrylǵan. Jumystarǵa Tótenshe jaǵdaılar, Іshki ister, Qorǵanys mınıstrlikteriniń, Ulttyq ulannyń, memlekettik emes órtke qarsy qyzmettiń, Apattar medıtsınasy ortalyǵynyń, jedel medıtsınalyq kómek brıgadasynyń jáne jergilikti atqarýshy organdardyń, sondaı-aq Ázerbaıjan TJM qyzmetkerleri tartyldy. 

Ushaq apatynan zardap shekkenderge 22 jedel járdem kóligi keldi
Foto: Vıdeodan alynǵan kadr

QR TJM Apattar medıtsınasy ortalyǵynyń brıgadalary ushaq apatqa ushyraǵan jerde avarııalyq-qutqarý jumystaryn medıtsınalyq qamtamasyz etýdi jalǵastyrýda. Apattar medıtsınasy ortalyǵynyń psıhologtary Aqtaý qalasyna kelgen týystaryna psıhologııalyq kómek kórsetýde.

Premer-mınıstr Oljas Bektenov QR Úkimeti janyndaǵy Quqyq buzýshylyqtyń aldyn alý jónindegi vedomstvoaralyq komıssııa otyrysy sheńberinde kún tártibinen tys Premer-mınıstrdiń orynbasary Qanat Bozymbaevtyń Aqtaý qalasy mańyndaǵy ushaq apaty ornyndaǵy Úkimettik komıssııanyń jumysy týraly esebi tyńdaldy. Otyrys sońynda Premer-mınıstr avıatsııalyq qaýipsizdikti kúsheıtý jóninde birqatar tapsyrma berdi.

Aqtaý mańyndaǵy ushaq apaty: Oljas Bektenov Úkimettik komıssııanyń jumysy týraly esebin tyńdady
Foto: QR Úkimeti

Túste Densaýlyq saqtaý mınıstrligi ushaq apatynan zardap shekken jandardyń densaýlyǵyn qatysty sońǵy málimetpen bólisti. 

Odan bólek, ushaq apatynan zardap shekken naýqastardyń bas súıekteri men ókpeleri jaraqattanǵany belgili boldy. Dárigerdiń aıtýynsha, naýqastardyń arasynda kúıik shalǵandar joq. 

Sondaı-aq, Aqtaýda ushaq apatynan zardap shekken týysyn tappaı júr ázerbaıjandyq azamattyń jaǵdaıymen bólisken edik. Safar Nabıev Aqtaýǵa búgin kelgen. Ol apatqa ushyraǵan ushaqta bolǵan jeńgesin izdeıdi. Aıtýynsha, týysy tiri qalǵandardyń da, qaza tapqandardyń da arasynda joq. 

ázerbaıjandyq azamat
Foto: Aıagóz Іzbasarova/Kazinform

26 jeltoqsan kúni Ázerbaıjanda Aqtaý qalasyna jaqyn jerde 38 adamnyń ómirin qıǵan jolaýshylar ushaǵy apatqa ushyraýyna baılanysty ulttyq aza tutý kúni jarııalandy.

Aza tutý kúni
Foto: AZERTADJ

Keshke qaraı elimizdiń Tótenshe jaǵdaılar mınıstrligi Ázerbaıjannan kelgen delegatsııa ushaq apatynan aman qalǵan 14 adamdy alyp, eki bortpen eline oralatynyn habarlady. 

Sonymen qatar, keshke Úkimet basshysynyń orynbasary Qanat Bozymbaevtyń qatysýymen Aqtaý mańyndaǵy áýe apatyna qatysty BAQ ókilderine arnalǵan brıfıng ótti. Baspasóz máslıhatynda quzyrly organdar apat pen zardap shekken jandarǵa qatysty sońǵy málimettermen bólisti. Aldymen ushaq apatynan zardap shekkenderdiń jaǵdaıy týraly aıtyldy.

Qanat Bozymbaev
Foto: Mańǵystaý oblysynyń ákimdigi

Elimizdiń Kólik mınıstri Marat Qarabaev Aqtaý mańyndaǵy ushaq apatynyń qalaı bolǵanyn aıtyp berdi. 

Marat Qarabaev
Foto: Vıdeodan alynǵan kadr

Sondaı-aq, Úkimet basshysynyń orynbasary Qanat Bozymbaev Aqtaý mańyndaǵy ushaq apatynyń sebebine qatysty túsinik berdi. 

Odan bólek, vıtse-premer áýe apatynan zardap shekken jáne qaıtys bolǵan jandardyń otbasylaryna kómek kórsetý maqsatynda qor ashyp, qarjy jınaýdyń qajet emestigin aıtty.

Sonymen qatar, Aqtaý mańyndaǵy ushaq qulaǵan jerden taǵy bir qara jáshik tabylǵany belgili boldy.

Aqtaý mańyndaǵy ushaq qulaǵan jerden taǵy bir qara jáshik tabyldy
Foto: Ashyq derekkózden

Aıta keteıik, Aqtaý mańyndaǵy ushaq apatynan qaıtys bolǵan qazaqstandyqtardyń otbasyna memlekettik qarjylaı qoldaý kórsetiledi.

Brıfıng barysynda belgili bolǵandaı Reseı men Ázerbaıjan ushaq apatyn zertteıtin krımınalıstıkalyq tergeýge jiberilmeıdi.

Eske sala ketsek, ushaq apatyn zertteıtin komıssııa quryldy, olar sheteldik sarapshylardy kútip otyr.

Aqtaý, Quryq jáne Baýtıno porttarynda ushaq apatynan qaza tapqandardy eske alý jáne olarǵa qurmet belgisi retinde Kaspıı teńizine aza tutý gúl shoqtary jiberildi.

Mańǵystaý oblysynda ushaq apatynan qaza tapqandar qurmetine Kaspıı teńizine gúl shoqtary jiberildi
Foto: Mańǵystaý oblysynyń ákimdigi

Odan bólek, baspasóz máslıhatynda Aqtaý mańyndaǵy áýe apatynan tiri qalǵan qansha adam eline oralǵany aıtyldy.

Aıta ketsek, Azerbaijan Airlines áýekompanııasy Aqtaý mańyndaǵy áýe apatynan zardap shekken jáne qaza tapqan jandardyń otbasyna ótemaqy tóleıdi. 

Сейчас читают