Aqtaý mańynda qulaǵan ushaq qustarǵa soǵylýy múmkin - Azerbaijan Airlines

ASTANA .KAZINFORM – «Ázerbaıjan Hava Iollary» áýe kompanııasy  Aqtaý mańynda bolǵan ushaq apatynyń aldyn ala sebebin atady, dep jazady AZERTADJ.

Áýe kompanııasynyń habarlaýynsha, ushaq bir top quspen soqtyǵysýy múmkin.

Baký-Groznyı baǵytynda nómiri J2-8243 reısin oryndaǵan Embraer 190 ushaǵy Aqtaý qalasynan 3 shaqyrym jerde apatty jaǵdaıda qondy.

Buǵan deıin habarlaǵanymyzdaı, qazir zardap shekkender týraly aqparat naqtylanyp jatyr. Aldyn ala málimet boıynsha, aman qalǵandar bar.

Tótenshe jaǵdaılar mınıstrliginiń Basqarý ortalyǵynda respýblıkalyq jedel shtab qurylyp, jumys istep jatyr.

Jedel jeli telefony: 8/7292/319099.

Kólik mınıstrligi Bakýden Groznyıǵa josparlanǵan reıs Ázerbaıjan áýe kompanııasyna tıesili ekenin habarlady.

Oqıǵa týraly qosymsha aqparat aldaǵy ýaqytta beriledi.