Aqtaý mańynda bolǵan ushaq apatynan qaza tapqan bir adamnyń aty-jóni anyqtaldy
AQTAÝ. KAZINFORM – Mańǵystaý oblystyq Densaýlyq saqtaý basqarmasynyń saǵat 10:30 daǵy málimeti boıynsha aýrýhanaǵa kelip túsken barlyq patsıent QR DSM dıagnostıka jáne emdeý hattamasyna sáıkes tolyq kólemde em alyp jatyr.
Oblys ákimdiginiń málimetinshe, tergeý organdary 2 patsıenttiń jeke basyn anyqtaý boıynsha jumys júrgizdi, olardyń bireýi anyqtalyp, Ázirbaıjan azamattyǵy anyqtaldy. Sondaı-aq, sanıtarlyq avıatsııa jelisi boıynsha Astana qalasynan Ulttyq shuǵyl medıtsına úılestirý ortalyǵynyń jáne jetekshi respýblıkalyq ortalyqtardyń joǵary bilikti mamandary keldi.
Joǵaryda atalǵan mamandardan basqa, Ázirbaıjan Respýblıkasynyń Densaýlyq saqtaý mınıstrligi men TJM arnaıy keńesi, sanavıatsııa brıgadasy keldi. Barlyq zardap shekken naýqastarǵa tekserý jumysy júrgizildi. Sondaı-aq zardap shekkendermen jáne olardyń týystarymen psıhologtar toby jumys istep jatyr.
Búgin 26.12.2024 jyly tańerteń Aqtaý ýaqytymen saǵat 08:30-da Reseı Federatsııasynyń TJM ortalyq apparatynyń sanıtarlyq avıatsııa bortynda Reseı Federatsııasynyń azamattary evakýatsııalandy. Qazirgi ýaqytta aýrýhanada 20 naýqas BAQYLAÝDA, onyń 6-y reanımatsııada: 5-i MOB TsOR-da jáne 1-i Mańǵystaý oblystyq balalar aýrýhanasynyń reanımatsııasy bóliminde. MOB TsOR-dan 2 patsıent travmatologııa bólimshesine aýystyryldy.
Mańǵystaýlyqtar ushaq apatynan zardap shekken 9 reseılik azamatty Máskeýge shyǵaryp salǵanyn jazǵan bolatynbyz.