Aqtaý, Quryq porttarynyń termınal alańy keńeıtiledi
ASTANA. KAZINFORM –Kólik mınıstrligi Temirjol jáne sý kóligi komıteti tóraǵasynyń orynbasary Qasym Tilepov Ortalyq kommýnıkatsııalar qyzmetinde Aqtaý, Quryq porttarynyń termınal alańy keńeıtiletinin aıtty.
«Shilde aıynda Quryq portynyń akvatorııasyn tereńdetý jumystary bastaldy. Qazir jalpy jumystyń 30 paıyzy jasaldy. Tereńdetý jumystaryn «Jan De Nul» degen iri belgııalyq kompanııa júrgizip jatyr. Ol úshin Quryq portynyń akvatorııasynda 7-sanatqa jatatyn qatty topyraqty shyǵara alatyn «Vısalıýs» degen arnaıy keme tartyldy. Kelesi 2025 jyly Aqtaý portynda da osyndaı jumystar júrgiziledi», - dedi komıtet basshysy.
Komıtet bergen qosymsha málimetke súıensek, Kaspııdiń tabanyn tereńdetý arqyly termınaldardyń syıymdylyǵyn arttyrý kózdelip otyr. Naqtyraq aıtsaq, Quryq jáne Aqtaý porttarynyń paıdaly aýdany 171 gektarǵa keńeıedi.
