Aqtaý kósheleriniń birinde Qyzyl kitaptaǵy sırek kezdesetin qus nazarǵa ilindi
Jergilikti turǵyndardyń biriniń aıtýynsha, 12 qarasha kúni kúndiz Qyzyl kitapqa engen dýadaqty 1V shaǵyn aýdanyndaǵy «Tas saraıy» qurylys materıaldary dúkeniniń aýmaǵynda ornalasqan kólik jýý ornynan baıqaǵan. Mundaı qusty alǵash ret kórgen turǵyn ony beıne taspaǵa túsirip alǵan. Sonymen qatar ol dýdaqtyń aıaǵynda arnaýly belgi bolǵandyǵyn atap ótedi. Dál osy beıne taspa oblystyq aýmaqtyq ınspektsııasynyń nazaryn aýdardy.
Inspektsııa málimetinshe, beıne taspadaǵy qus - Qazaqstannyń Qyzyl kitabyna engizilgen dýadaq. Jyl saıyn halyqaralyq kelisimshartqa sáıkes Shymkenttegi tálimbaqta ósirilgen dýadaqtar arnaýly reıspen Mańǵystaý oblysyna jetkizilip, tabıǵat aıasyna jiberiledi. Osy jyldyń shildesinde jáne qyrkúıeginde Mańǵystaý oblysyna 2 myń dýadaq jetkizilip, tabıǵı ortaǵa jiberilgen.