Aqtaý kóshelerinde pedofıl júrgeni týraly habar tarady
ASTANA.QazAqparat - Aqtaý qalasynda áleýmettik jelilerde turǵyndardy saqtyqqa shaqyrǵan habarlamalar tarap jatyr. Onda balalarǵa azǵyndyq jasaý áreketteriniń oryn alǵany aıtylady. 4 sáýir, sársenbi kúni qaladaǵy mektepterdiń birinde ata-analar jınalysy ótip, onda polıtseıler qylmyskerdiń túr-tulǵasyn shamalap aıtyp bergen. Bul týraly jınalystan shyqqan ata-analar habarlady, dep jazady lada.kz.
Taratylyp jatqan aýdıohabarlamada qalanyń joǵarǵy aımaǵynda kámeletke tolmaǵan balalarǵa qatysty jynystyq áreketter jasamaq bolǵan azǵyn týraly aıtylady.
Balalary №7 mektep-lıtseıde oqıtyn ata-analardyń aıtýynsha, polıtseıler 4 sáýir kúni ótken jınalysta 26 shaǵyn aýdanda júrgen kúdikti týraly aqparattar bergen.
Onyń syrtqy belgileri: eýropa násildi, boıy uzyn, kózi kókshil, aıaǵyn syltyp basady, aldyńǵy tisteri joq.
«Bizge balalardy dalaǵa jalǵyz shyǵarmaý týraly keńes berip, saqtyqqa shaqyrdy. Osyǵan qatysty birneshe fakti tirkelgen eken», - deıdi ata-analar.
Mańǵystaý oblystyq ІІD bul máselege qatysty ázirge eshqandaı pikir bildirmedi.
Foto: pbs.twimg.com
