Aqtaý komandasy alǵash ret «Jibek joly - 2017» rallıine qatysady
ASTANA. QazAqparat - Máskeýde Qyzyl alańda «Jibek joly-2017» halyqaralyq rallıi saltanatty túrde ashyldy, dep habarlady «QazAqparat» HAA.
Qazaqstannan bul transqurlyqtyq jarysqa eki komanda qatysady. Biri - tájirıbeli maman Artýr Ardavıchýstiń basshylyǵymen ınternatsıonaldyq «Astana Motorsport Team de Rooy», ekinshisi «Jibek joly» debıýtanttary retinde - quramynda Kırıll Chernenkov pen shtýrman Alekse» Mýn bar Aktau Motorsport.
Qazaqstandyqtar Mákeý - Astana - Stan marshrýty boıynsha jolsyz on myńdaı shaqyrymdy eńserý qajet.
Reseı astanasynyń bas alańyna rallı-reıd álemindegi qaýipti, aýyr synaqqa ázir batyl da erjúrek jarysqa qatysýshylardy qoldaý úshin júzdegen adamdar jınaldy.
- Bizdiń basty maqsatymyz - turaqty qarqyn alyp, tájirıbe jınaý. Sebebi «Jibek joly» boıynsha alǵash ret shyǵyp otyrmyz. Marshrýttyń edáýir bóligi týǵan Qazaqstan jerinde ótetindigi qýantady. Jerlesterimizdiń qoldaýyn sezinetinimizge senimdimiz. Árıne, bastysy Sıanǵa deıin jetip, úıge oralý, - dedi Aktau Motorsport komandasynyń júrgizýshisi Kırıll Chernenkov.
