Aqtaý – Qyzylorda – Aqtaý baǵyty ashyldy
QYZYLORDA. KAZINFORM – Qyzylorda oblysynyń kólik-logıstıkalyq áleýetin arttyrý maqsatynda Syr óńirinen Mańǵystaýǵa jańa áýe baǵyty ashyldy.
Qorqyt ata atyndaǵy halyqaralyq Qyzylorda áýejaıynan habarlaǵandaı, SCAT áýe kompanııasy 20 maýsymnan bastap Aqtaý – Qyzylorda – Aqtaý baǵyty boıynsha turaqty áýe reısin iske qosady.
- Reısti Boeing áýe kemesi oryndaıdy. Ushaq aptasyna eki ret – sársenbi jáne senbi kúnderi qatynaıdy. Kestege sáıkes ushaq Qyzylorda áýejaıyna saǵat 16:00-de qonyp, 17:00-de Aqtaýǵa qaıtadan attanady, - delingen habarlamada.
Áýe baılanysy eki oblystyń arasyndaǵy joldy qysqartýǵa, týrıstik jáne iskerlik qarym-qatynasty jandandyrýǵa baǵyttalǵan.
Al erteń, ıaǵnı 12 maýsymnan bastap Astana — Qyzylorda — Astana jáne Astana — Shymkent — Astana baǵyttary boıynsha áýe reısteri belgilengen kestege sáıkes jumysyn qaıta bastaıdy.
