Aqtaý qalasynyń kósheleri dezınfektsııalandy

AQTAÝ. QazAqparat - Aqtaýda koronavırýstyń aldyn alý maqsatynda ortalyq joldarǵa dezınfektsııa jumystary júrgizildi, dep habarlaıdy QazAqparat tilshisi.

Aqtaý qalasy ákimdiginiń habarlaýynsha, 1-shaǵyn aýdannan bastap 17-shaǵyn aýdanǵa deıingi №3-shi jol (5 shaqyrym 600m) jáne «Yntymaq» alańynan bastap Aqshuqyr plakatyna deıingi №18-shi (6 shaqyrym) jol zalalsyzdandyryldy.

Sharaǵa 5 arnaıy tehnıka jumyldyryldy. Onyń 3-eýiniń syıymdylyǵy 9 tekshe metr, ekeýi 12 tekshe metrdi quraıdy. Árqaısysyna arnaıy mamandardyń nusqaýymen berilgen preparattar qosyldy.

Aıta keteıik, bul is-sharalar josparǵa saı iske asady. Aldaǵy ýaqytta shaǵynaýdan ishin zalalsyzdandyrý josparda tur.