Aqtaý qalasyndaǵy «Rıd SK» JShS-niń bazarynda órt shyqty - TJM
ASTANA. Jeltoqsannyń 10-y. QazAqparat - Keshe keshkisin Aqtaý qalasyndaǵy «Rıd SK» JShS-niń bazarynda halyq tutynatyn taýarlary bar 6 býtık órt qushaǵyna orandy,
dep habarlaıdy QazAqparat Tótenshe jaǵdaılar mınıstrligine silteme jasap.
Mınıstrliktiń habarlaýynsha, órt 90 sharshy metr aýmaqty qamtyp, oqıǵa ornynan 40 adam qaýipsiz orynǵa kóshirilgen. Qaza bolǵandar men zardap shekkender joq. Tilsiz jaý Mańǵystaý oblystyq tótenshe jaǵdaılar departamentiniń órt sóndirý kúshiniń kómegimen aýyzdyqtalǵan. Oǵan atalǵan mekemeniń jeke quramyndaǵy 22 maman men 4 tehnıka jumyldyrylǵan.
