Aqtaý qalasynda ury-gastrolerler toby ustaldy - ІІM
ASTANA. Jeltoqsannyń 21-i. QazAqparat /Jasulan Amanbaıuly/ - Aqtaý qalasynda ury-gastrolerler toby ustaldy, top músheleriniń barlyǵy Almaty oblysynyń týmalary.
Bul týraly búgin ІІM-de ótken brıfıng barysynda Til saıasaty jáne aqparat departamentiniń bastyǵy Qýanyshbek Jumanov málimdedi, dep habarlaıdy QazAqparat tilshisi.
Krımınaldyq polıtsııa qyzmetkerleri Aqtaý qalasynda páterlerdi tonaýmen aınalysatyn qylmystyq toptyń paıda bolǵany jóninde jedel aqparat alady. Polıtseıler tergeý barysynda kúdiktilerdi anyqtap, olardyń izderin ańdıdy. Jasyryn baqylaý júrgizý óziniń jemisin beredi. Olar «Tolqyn - 1» shaǵyn aýdanynda ornalasqan turǵyn úıdiń páterine túsip, tonaý ústinde qolǵa túsedi.
«Olardyń kóliginen ańshylyq qarý jáne urlanǵan zergerlik buıymdar tárkilendi. Jaldamaly páterlerinen olardyń taǵy úsh qatysýshysy ustalady. Tintý kezinde páterden urlanǵan zattar tabyldy», deıdi Q. Jumanov.
Qylmystyq top Aqtaýda 9 páterdi tonaǵandaryn moıyndap otyr.
