Aqtaý qalasynda páter tonaýmen aınalysqan daǵystandyq eki azamat qolǵa tústi
AQTAÝ. 20 naýryz. QazAqparat - Bul týraly Aqtaý qalasy Іshki Іster Basqarmasynyń qylmystyq polıtsııasy habarlap otyr. Daǵystandyqtar páter urlyǵy boıynsha jedel izdestirý sharasy nátıjesinde qolǵa túsken.
Olardan 100 myńnan 1 mln teńgege deıin aqsha jáne zattar tárkilendi.
Qylmyskerler páterlerge úıdiń terezesi arqyly túsken. Plastık terezelerdi qatty kúshpen maıystyryp ishke enetin olar úıden altyn buıymdardy, noýtbýktar men aqshalardy jymqyratyn bolǵan. Tonaıtyn páterlerin aldyn ala qarap, ańdyp, turmysy jaqsy, biraq beıqam, kúzetshisi joqtaryn qarmaqtaryna túsirgen.
Olardyń búginde 18 urlyq iske qatysy bary dáleldendi.
Qylmystyq polıtsııanyń habarlaýynsha, tekserýler kezinde urylardyń basqa da qylmystary áshkerelengen. Máselen, qylmyskerler urlap alǵan altyndaryn qaladaǵy «Sary bazar» , «Maǵash», «Olja» saýda ortalyqtaryna baryp arzan baǵaǵa ótkizip otyrǵan. Olar qandaı dúkender men satýshylarǵa taýarlaryn satqandaryn aıtyp, kórsetip bergen.
Sondaı-aq, gastroler urylar Aqtaý qalasynda tirkeýsiz páter jaldap turǵan.
