Aqtaý qalasynda órtke oranǵan sheteldik kólikte gaz-ballondyq apparatýra jaryldy, júrgizýshi zardap shekti - QR TJM
ASTANA. 6 aqpan. QazAqparat - Aqtaý qalasynda órtke oranǵan sheteldik kóliktiń ishinde gaz-ballondyq apparatýra jaryldy, saldarynan mashına júrgizýshisi zardap shekti, dep habarlaıdy QR TJM-niń baspasóz qyzmetinen.
Búgin túnde Aqtaýdyń Shyǵys-2 shaǵynaýdanynda «Folksvagen» kóligi órtene bastap, ishindegi gaz-ballondyq apparatýranyń jarylysy boldy.
Órt saldarynan kólik quralynyń 51 jastaǵy júrgizýshisi kúıik jaraqattarymen aýrýhanaǵa jetkizildi.
TJ-dy joıýǵa QR TJM Mańǵystaý oblystyq TJD órt sóndirý qyzmetiniń 5 adamy men 1 tehnıkasy jumyldyryldy.
