Aqtaý qalasynda kósheden 3 jasar bala tabyldy

AQTAÝ. QazAqparat – Aqtaý qalasynda Ulttyq ulan jaýyngerleri joǵalyp ketken 3 jasar ul balany anasyna tabystady, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵy baspasóz qyzmetiniń basshysy Erbolat Sultanovtyń málim etkenindeı, oqıǵa 28 maýsym kúni saǵat 22.50 shamasynda oryn aldy.

Quramynda qatardaǵy sarbazdar Muhamedálı Jaısańbaev, Asyljan Qarataýov, Janbolat Madıarov bar áskerı top 7-shaǵynaýdanda «Chakýr» jeke aýrýhanasynyń janynda jylap otyrǵan balany kóredi.

Sarbazdar baladan anasymen serýendep júrip, adasyp ketkenin surap biledi.

Budan keıin ol taıaý mańdaǵy polıtsııa pýnktine jetkizildi. ul kezde ata-anasy uldaryn sharq uryp, izdestirip jatqan edi.

Tirek pýnktinde jaýyngerler sábıdi anasyna tabystady.

«Ulymdy taýyp bergen Ulttyq ulan jaýyngerlerine analyq alǵysymdy bildiremin. El maqtanysh ete alatyn osyndaı sarbazdar tárbıelegen komandırlerine de rahmet aıtamyn. Qıyndyqqa tap kelgen kezde birinshi bolyp qol sozatyn osyndaı jandardyń bolǵanyna ne jetsin!», - dep jazdy 6656-áskerı bólim komandıri Marat Rahpanovqa balanyń anasy.

Qoǵamdyq tártipti saqtaýda qyraǵylyq kórsetken atalǵan jaýyngerler 6656-áskerı bólim komandıri tarapynan yntalandyryldy.

Eske sala keteıik, budan buryn Jańaózen qalasynda sómkesine esirtki salyp alǵan turǵyn ıisshil ıttiń kómegimen ustalǵanyn jazǵan bolatynbyz.