Aqtaý qalasynda qarjy pıramıdasy áshkerelendi

AQTAÝ. QazAqparat - Mańǵystaý oblysy boıynsha QMA aýmaqtyq departamenti qarjy pıramıdasyn qurý jáne basqarý faktisi boıynsha «World Business Consulting»kompanııasyna qatysty qylmystyq isti tergeýde, dep habarlaıdy QazAqparat QR QMA baspasóz qyzmetine silteme jasap.

«World Business Consulting» kompanııasy ózine sengen azamattardyń jarnalaryn qabyldap, 2018 jyldan 2022 jylǵa deıin turaqty syıaqy alýǵa ýáde bergen.

Shyn máninde, kompanııada zańdy kásipkerlik qyzmetten turaqty tabys bolǵan joq, al qatysýshylardyń syıaqysy keıingi salymshylardyń qarajaty esebinen qamtamasyz etildi.

Atalǵan qylmysty jasady degen kúdikpen «World Business Consulting» kompanııasynyń dırektory Júginbaeva Jemis ustaldy.

Eske sala ketsek, buǵan deıin atalǵan qarjy pıramıdasynyń qyzmetin Agenttik byltyrǵy jyly Almaty qalasynda toqtatqan bolatyn.